13/3/24

TAMÉN LEN DE MARZO CON SANTI VELOSO

 Este martes 12 de marzo tivemos a nosa sesión de Tamén Len coa presenza de Santi Veloso, presidente da asociación Ponte nas ondas, da cal é membro activo o noso IES. Foi un pracer escoitarlle ler un dos relatos de Made in Galiza de Sechu Sende que axudou á rapazada a reflexionar sobre a nosa lingua. Leunos tamén outro fragmento de Dentro da literatura de Suso de Toro e falounos sobre a importancia de mantermos o patrimonio oral inmaterial que une ambas marxes do río Miño. Moitas grazas pola súa colaboración. 





1/3/24

TAMÉN LEN DE FEBREIRO

 Onte celebramos unha nova edición do noso encontro literario Tamén Len e neste caso recibimos a Arancha, dona da Librería Sernel de Salceda e antiga alumna do IES. Leunos un fragmento de Golpes de Luz, unha das últimas obras de Ledicia Costas. Foi unha lectura moi amena e coñecemos tamén facetas da vida como libreira da nosa convidada. Moitas grazas por acompañarnos e que sigamos tendo todas e todos lecturas produtivas.





19/2/24

ENCONTRO DO CLUB DE LECTURA CON FRAN ALONSO

 Hoxe tivemos o pracer de recibir a Fran Alonso para compartir con el as nosas impresións sobre os seus dous poemarios Street Poems e Cidades. Un agradable encontro onde tamén se falou da arte urbana do grafitti e mesmo escoitamos poemas da autoría do noso alumnado. Moitísimas grazas a Fran pola súa visita. Ai van imaxes do encontro.





6/2/24

Club lectura profes

 Hoxe por fin arrancamos co club de lectura de profes. Foi unha xuntanza moi agradable e produtiva no que cada un e cada unha de nós debullamos a obra que lemos para esta ocasión: Azucre de Bibiana Candia na que se dá conta dun feito (descoñecido para moitos e moitas) que marcou a historia galega da emigración en 1853 cando un grupo de case 1800 rapaces galegos partiron nun barco dende Galicia para traballar como escravos na recollida da cana de azucre en Cuba. Intercambiamos impresións e enriquecémonos coas achegas sobre diferentes aspectos da obra as cales resultaron moi interesantes. Vémonos en abril co próximo libro.






5/2/24

Club de lectura sesión de febreiro

 Hoxe volvemos reunirnos no club de lectura arredor de dous poemarios de Fran alonso, autor que nos visitará o día 19 deste mes para poder comentalos con el. Cidades é o título do que len en 1º e 2º ESO e Street Poems o que lemos en 1º BACH e 4º ESO. Ademais neste último grupo volvemos comentar cousiñas sobre Made in Galiza e Enderezo descoñecido, dúas obras que gustaron moito. Aquí van as portadas para que vos animedes a ler.


29/1/24

EDICIÓN DE XANEIRO DO TAMÉN LEN

 O xoves 25  tivo lugar a edición de xaneiro do noso Tamén Len e desta volta tivemos o pracer de compartir lecturas e conversas con Alejandro Rodríguez, concelleiro de cultura de Salceda de Caselas. Leunos uns dos ralatos que compoñen a obra Made in Galiza de Sechu Sende, coa que reflexionamos, entre outras cousas sobre a necesidade de valorarmos a nosa lingua propia e ao tempo a nosa cultura. O acto comezou coa interpretación ao piano de dous dos noso alumnos de 2º de BACH, Sara e Breogán, compañeiros de Alejandro na Banda de Música de Salceda. Aquí deixamos unha mostra visual do encontro. Agardamos vervos na próxima edición.







9/1/24

 NOVIDADES EDITORIAIS

Propoñémosvos algunhas suxestións para boas lecturas. 




NOVO ANO E NOVO TRIMESTRE

 Arrancamos un novo trimestre e facémolo lembrando o último Tamén Len do ano 2023 no que tivemos o pracer de escoitar a Alejandra, a horticultora que nos ensinou e axudou a crear a nosa horta da que xa obtivemos ricos e sans produtos. Nesta ocasión tróuxonos a lembranza de Félix Rodríguez de la Fuente e a nosa rapazada puido sentir o amor ao medio natural que el transmitira sempre a outras xeracións. Foi un pracer escoitala. Deixamos aquí fotos do acto. 













9/12/23

NOVIDADES ÁLBUM ILUSTRADO

 Seguimos ampliando os nosos fondos con álbum ilustrado. Esta vez con tres obras fantásticas que axudan a educar en valores como a igualdade de xénero, a igualdade de oportunidades e a necesidade de crear un mundo máis xusto onde todos e todas convivamos con respecto e empatía. Pasa pola biblio e goza coa súa lectura. Aquí van os títulos. 



24/11/23

25 DE NOVEMBRO: LECTURAS CONTRA A VIOLENCIA DE XÉNERO

    Un ano máis lembramos a importancia da lectura e da educación en valores para tentar loitar contra a lacra social que supón a violencia de xénero contra as mulleres. Todos e todas debemos seguir loitando en unión para que a igualdade, a tolerancia, o respecto e a razón sexan o mellor antídoto contra a discriminación e a violencia. Deixamos unha fotiño da nosa exposición.


 

15/11/23

NOVA EDICIÓN DO NOSO TAMÉN LEN

 Hoxe tivemos unha sesión moi especial no noso Tamén Len de Novembro xa que recibimos a Martín Gestal, o noso profe de filosofía do ano pasado que compartiu con nós as súas lecturas de filósofos tan importantes como Sócrates. Fixemos reflexións moi interesantes e gozamos dunha agradable conversa. Grazas Martín por volver onda nós!!! Aquí van as fotiños do evento. 😊😊📕📕📔📖









13/11/23

SESIÓN DO CLUB DE LECTURA DE NOVEMBRO

Tras un comezo de curso apurado co traslado da biblio ao novo espazo comezamos por fin as sesións do club e despois da reunión incial do mes de outubro, para a posta en común deste curso e marcar novas lecturas e reunións, puidemos hoxe gozar dunha agradable xuntanza para compartir a nosa experiencia lectura coas obras hoxe propostas. No grupo de 1º e 2º (no que tamén temos algún alumnado de 3º)  leron Palabras de Caramelo de Gonzalo Moure, obra coa que puideron trasladarse aos campamentos de refuxiados saharauís e emocionarse coa historia de Kori e o seu camelo Caramelo. No grupo de 4º e 1º de BACH analizamos algúns relatos de Made in Galiza de Sechu Sende dos que o noso alumnadofixeron unha lectura moi produtiva. Aquí vai unha mostra das reunións. Boas lecturas e vémonomos na seguinte.







2/11/23

SAMAÍN E MAGOSTO

 Celebramos no IES un ano máis o Samaín con diferentes concursos: calacús, receitas de outono e sobremesas. O Magosto está adiado ata que o tempo permita celebralo. Mentres deixamos aquí unhas fotiños para ilustralo. Bo Samaín. 





25/10/23

NOVA ANDAINA DO NOSO TAMÉN LEN

 Hoxe no recreo celebramos a primeira edición do noso Tamén Len deste curso. Visitounos o profe do Cole Altamira José González Couto e puido reencontrarse cos seu antigo alumnado que o recibiu con entusiasmo. Leunos uns contos da obra "Cuentos para quererte mejor" que nos fixeron reflexionar sobre a importancia de valores como o respecto, a tolerancia e a superación persoal. Moitas grazas por vir. 

Deixamos fotiños da sesión. Ata o próximo Tamén Len.